بعدني أوياك بالعشرة ولا زال
وحبك بالكلب ثابت ولا زال
وحكك صادك بحجيي ولا زال
اضل وياك الآخر نفس بيه
صرت دم المشة بداخل وريدك
مثل متريد مشيني وريدك
فراكك حيل مرمرني وريدك
على جروحي تدوس بلا خطية
نشدت الناس عنك وانته هينه
وعله فراكك تلفنه وانتهينه
كلبي انته التعذبه وانته هينه
ويظل اسمك حلو وغالي عليه
صحيح بعيد بس قلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفركاك ماضل شعر بيه
نشم عطرك يغالي من هوانا
ونحب كلمن يحبنةومن هوانا
شتظن اكدر اعوفك منهوآنة
لو عفتك مصيبة تحل علية
اتعارك لجل عينك وطك طك
وللحاسد اذب حرمل واطك طك
افرح من تراسلني واطك طك
اصبعتين من تسأل عليه
الدهر بجفاك طشرني ولمني *
وعليك ألكلب عاتبني ولمني*
افراكك حيل اذاني ولمني*
ويضل حبك اثــــــــــــر مطبوع بية *