بالتدريج بعدك غيّــــــــر الحـــــال
وزرع غدرك ابروحي وخضر غيوم
يا اول جـــرح جاب الشتــــة وياهــ
سحابة اتفوت عمري وتمطر هموم
اعتب عالجفن لمن يجي الليــــــل
گاعد ما يمسحــــــــك لمن اينامــ
رسمك چان وردة وحلوة بت بيــت
هسة الشوك خدش كلـــ الاحلام
الحب العذري چانت قصتي ويــاك
وبالنسبة الك مات ابسهولـــــــــة
طفل رديت من حبيتـــــــك ابيوم
چنت وياك شعلة من الطفولــــة
چنت مدرستي انته واقرة بس بيك
ورموشك اقلامي البيهة اكتـــــــب
جلدك چــــــــان دفتر وكت الاملاء
وعيونك الساحـــــــــة وبيها ألعب
افرش ذكرياتي وشوف الجـــروح
بيهن بس يلالي اتشوفة جرحـــك
همي الجان تضحك وانته ويــــاي
انه كل همي جان اشلون افرحك
افرحك وانه احزن حاضن الليــــل
وتبچي جروح عيني وانته تضحـك
صرت تراب فوك ايامي لتخـــــــاف
من سنين العمر بجفوني امسحك
.
.
.
للشاعـــــــر
أحمــد الحسينـــــــي