ذبل وردي وصرت بجفاك صفصاف
يبو شعر على المتنين صفصاف
جبت عمري بنجاح وزود صفصاف
وانا بدرسك رسوب اشلون بيه
..............................
يامن علي ابعدت ....وانته الهوى ومايلي
جنت انا احسبك وفي ...وتعدل الي مايلي
جاليش عكب التعب ...كلشي صبح مايلي
اعلن انحيب وحزن ....وملي بدموعي انهار
من يوم عني ابعدت ...متعوب ليل انهار
والعكَل مني انشده..والحيل مني انهار
ياروح كفي العتب ...عن دربهم ميلي
...................
سبحان ليبدل حال من حال
واظل برجاك داير حول من حال
شو حجيك خشن وياي من حال
عساها بخت من حالك عليه
الخميس 10 ديسمبر 2015, 4:36 pm من طرف hayderaltimimi
