هجرت القلم من بعدك والكتاب
ودليلي من العشك بطل ولك تاب
وحك العرش والكعبه والكتاب
تضل انته اعز محبوب اليه...
بغرامك خذني يامحبوب ودني
ولا تبعد عن اليهواك ودني
اطن كلبك هواني بصدق ودني
ليش الخجل مو كافي اذيه
حبيبي خلاف عينك مالمعنه
واسألك هذا كلبك ماله معنه
الحجي كله بغيابك ماله معنى
لأنك بالكلام اتذوب بيه
كبل مايون كلبك ونته بيه
شلون تريد اعوفك وانته بيه
ولك كلبي انته امه وانته بيه
ويتيم يصير اذا رحت من ايديه
أحب صوتك وأحب للعود دكات
وزماني شلون اله وياي دكات
خلص كلبي وماظل بعد بيه دكات
وترد روحي من يمر اسمك عليه
نص احترك من هجرك ونص طاف
وغركت انه بحر بحبك ونص طاف
يريت المدرسه ترجع ونصطف
وابدلك بالعلم واخذلك تحيه
الخميس 10 ديسمبر 2015, 4:36 pm من طرف hayderaltimimi
