ابوذيات
ادموع العين حدر الجفن لاجن
وموعجبه العكل بهواك لاجن
انذرت لايام وصلك علي لاجن
لمشط زلف كل سمره بديه
الدمع فوك الوساده دوم يناصب
وكلبي شما يهيد اردود يناصب
عود بيوم مات علي يناصب
وليفي اوي العراضة ايمر عليه
زماني سلب من عيني وسنها
وعلي اسيوفة جردها وسنها
انسمر كلبي ابظافيرها وسنها
وضحكها ايوج الهيب الشوك بيه
يكلبي لو لكيت الشهم مجده
ندر واللي يصون العهد مجده
اشيفيد المال للي فكد مجده
المجد هو الشرف والاريحة
اعيوني امن الدمع وشلن واخوان
وزماني كل وكت غدار واخوان
ابرفاهي اشكر عندي احباب واخوان
او وكت النيابه شحو عليه
الخميس 10 ديسمبر 2015, 4:36 pm من طرف hayderaltimimi
