بەم دواییە هونەرمەندی دەنگخۆش و بە توانا ئەیوب عەلی بەسەردانێك گەڕایەوە هەولێر بۆ بەشداریكردن لە سێیەمین فیستیڤاڵی ئازاد كردنی شاری هەولێر كە لە لایەن پارێزگای هەولێر ساز كرابوو.
هەر بەم بۆنەیەوە هەر یەكە لە هونەرمەند ئەیوب عەلی و چۆپی و ماهیر محەمەد ئەمین ئاهەنگێكی گۆرانییان ساز كرد و بە گۆرانییەكانیان دڵی جەماوەر و هەوادارنیان خۆش كرد، سەردانەكەی ئەم دواییەی هونەرمەند ئەیوب عەلی دوای ماوەیەك لە سەردانێكی پێشووتری دێت بۆ شاری هەولێر،بەڵام لە سەردانی یەكەمیدا بەهۆی نەخۆشی و نالەباری تەندروستی نەیتوانی وەك پێویست دڵی جەماوەری خۆی خۆش بكات هەرچەندە بەشداری لە ئاهەنگێكی تایبەتدا كرد كە وەزارەتی وەرزش و لاوان بۆ هەڵبژاردنی باشترین رۆژنامەنووس و گۆرانیبێژی لاوی ساڵی رێكخستبوو، بەڵام لە سەردانی ئەم جارەشیاندا كە بە یاوەری هونەرمەند موزیكژەن گۆران كامل بوو دووچاری رووداوێكی سەیر هاتن كاتێ ئەو فڕۆكەی پێی هاتبوون لەبەر نالەباری كەشوهەوا و تۆز و خۆڵ نەیتوانی لە فڕۆكەخانەی هەولێر و بەغدا بنیشێتەوە و ناچار بوو لە وڵاتی سوریا نیشتەوە.
لە پەیوەندییەكدا دەربارەی ئەم سەردانەی هونەرمەند ئەیوب عەلی گوتی: زۆر لە دڵەوە حەزم دەكرد بەشداری لە خۆشییەكانی خەڵكی هەولێردا بكەم هەر بۆیەش كاتێك لە لایەن پارێزگای هەولێرەوە بانگێهشت كرام بە دڵخۆشییەوە رازی بووم بۆ بەشداری كردن لەم فیستیڤاڵە، هەروەها ئامادەم بۆ ئەنجامدانی هەر كارێكی دیكە كە خزمەتی شاری هەولێر و هەر شارێكی دیكەی كوردستان بكات .
سەبارەت بە خۆشەویستی بۆ شاری هەولێر هونەرمەند ئەیوب عەلی گوتی: ئەوەی راستی بێت بۆ من هەموو شارەكانی كوردستان وەك یەكن و هەموویان لای من خۆشەویستن، هیچ جیاوازییەك نییە لە نێوان هەولێر و سلێمانی و كەركوك و مهاباد و قامیشلۆ و دیاربەكر، بەڵام پێویستە دان بەو راستییە بنێم من وەك هونەرمەند لە هەولێر دەركەوتم، یەكەم جار كە هاتمە سەر تەختەی شانۆ لە ئاهەنگەكانی كۆلێژ بوون من ئەو كاتە لە هەولێر قوتابی كۆلێژی ئەندازیاری بووم هەر لەو كاتەی لە هەولێر بووم چەند هاوڕێیەكی هونەرمەندم ناسی و لەوێوە دەستمان بە كاری هونەری كرد،ژیانی زانكۆ تاموچێژێكی تایبەتی هەیە بۆ هەموو كەسێك منیش ئەو قۆناغەی تەمەنم لە شاری هەولێر بەسەر بردووە، بۆیە دەڵێم هەرچەندە من لە شاری هەولێر لەدایك نەبووم، بەڵام خۆشترین ساتەكانی تەمەنم لە هەولێر بەسەر بردووە.
توقيــع العضو شميران كركوكي |
|