له‌ وڵاتی میسر و له‌ شارۆچكه‌ی (قه‌ناتیڕ)ی سه‌ر به‌ پارێزگای (ئه‌لقه‌لیوبیه‌) دوای ئه‌وه‌ی كه‌ گه‌نجێكی بێ ئیش و كار داوا له‌ دایكی ده‌كات پاره‌ی پێ بدات تا مادده‌ی هۆشبه‌ری پێ بكرێت و بیكێشێت و دایكیشی لێی بێزار ده‌بێت و له‌گه‌ڵی ده‌كات به‌ مقۆ مقۆ و ئیدی كوڕه‌ حه‌شیشه‌كێشه‌كه‌ زۆر له‌ دایكی تووڕه‌ ده‌بیت و ده‌یگرێت و ده‌یباته‌ ژوور و له‌ كاره‌بای ده‌دات. ئه‌م گه‌نجه‌ حه‌شیشه‌كێشه‌ به‌مه‌ش واز ناهێنێت و دوای له‌ كاره‌با دانی دایكی، ئینجا نیو پاكه‌تی جگه‌ره‌ پێده‌كات و هه‌موویان له‌سه‌ر جه‌سته‌ی دایكی ده‌كوژێنێته‌وه‌، به‌مه‌ش واز ناهێنێت و ده‌مانچه‌ی له‌ ماڵ ده‌بێت و ده‌ست ده‌كاته‌ ده‌مانچه‌كه‌ و گولله‌یه‌كی لێده‌دات و كۆتایی به‌ ژیانی دایكی ده‌هێنێت. له‌مباره‌وه‌ رۆژنامه‌ی (ده‌ستوور)ی میسری بڵاویكرده‌وه‌ كه‌ ئه‌م دایكه‌ ناوی (له‌یلیه‌ عه‌بدولمه‌جید)ه‌ و ته‌مه‌نی 48 ساڵه‌ و كوڕه‌كه‌شی ناوی (محه‌مه‌د عه‌بدولموحسین)ه‌ و ته‌مه‌نی 23 ساڵه‌ و دوای وه‌رگرتنی مووچه‌ی مانگانه‌ی راسته‌وخۆ كوڕه‌كه‌ی داوای لێكردووه‌ كه‌ مووچه‌كه‌ی پێ بدات تا مادده‌ی هۆشبه‌ری پێ بكڕێت، چونكه‌ ئه‌و كوڕه‌ی حه‌شیشه‌كێشه‌، به‌ڵام دایكی رازی نه‌بووه‌ پاره‌كه‌ی پێ بدات و بۆیه‌ ئه‌ویش ئه‌و كاره‌ساته‌ی به‌سه‌رداهێناوه‌. شایانی باسه‌ دادگای میسری ئێستا سه‌رقاڵی لێكۆڵینه‌وه‌یه‌ له‌سه‌ر ئه‌م دۆسییه

هةر بزيت برام و ئةم هةوالة

زور سوباستان ده كه م