كه‌نیسه‌یه‌كی ئه‌مریكی داوایكردووه‌ كه‌ رۆژی 11ی سێپتێمبه‌ر بكرێت به‌ رۆژی جیهانی سووتاندنی قورئان، له‌مباره‌وه‌ قه‌شه‌یه‌ك به‌ناوی (تیری جۆنز) داوای كرد كه‌ كتێبێك ده‌ربكرێت به‌ناوی (ئیسلام له‌ شه‌یتانه‌وه‌یه‌) و داواشی كردووه‌ كه‌ هه‌رچی زووه‌ به‌ر له‌ ئیسلام بگیرێت. جگه‌ له‌مانه‌ش ئه‌م قه‌شه‌یه‌ رایگه‌یاندووه‌ كه‌ قورئان كتێبێكه‌ خه‌ڵكی به‌ره‌و دۆزه‌خ ده‌بات، بۆیه‌ ده‌بێ قورئانه‌كان بخرێنه‌ ناو ئاگره‌وه‌ و بسووتێنرێن. هه‌ر له‌به‌رئه‌مه‌ش ئه‌م قه‌شه‌یه‌ به‌نوێنه‌رایه‌تی ئه‌و كه‌نیسه‌یه‌ی كه‌ تێیدایه‌ داوای كرد كه‌ رۆژی 11ی سێپتێمبه‌ر بكرێت به‌ رۆژی جیهانی سووتاندنی قورئان و له‌م رۆژه‌دا له‌ ته‌واوی جیهاندا قورئانه‌كان بسووتێنرێن، به‌ڵام ئه‌م داوایه‌ بێ مانایه‌ی ئه‌م قه‌شه‌یه‌ هه‌ر زوو زۆر به‌تووندی له‌لایه‌ن موسڵمانان و ته‌نانه‌ت له‌ له‌لایه‌ن مه‌سیحییه‌كانیشه‌وه‌ ره‌تكرایه‌وه‌. وێڕای ره‌تكردنه‌وه‌ش موسڵمانانی ئه‌مریكا بڕیاریاندا كه‌ رۆژی 11ی سێپتێمبه‌ر بكه‌ن به‌ رۆژی دابه‌شكردنی قورئان به‌سه‌ر خه‌ڵكیدا.

ده ست خوش بابه ته كه ت بيش تو داكيراوه