تاڤگه‌ سابیر:


گەنج یەكێكە لە كائینانەی تا ئێستا لە گۆمەڵگای كوردی پەراوێز خراوە و بەردەوامیش پەراوێز دەخرێت هەم لەلان خێزان و گۆمەڵگاوە وهەم لەلایەن دەسەلات و حیزبەكانەوە ئەوەی گەنجی لەسەر پێی خۆی هێشتۆتەوە تەنها ئیرادەی گەنج خۆیەتی و هەر ئەمەشە دەبێتە هۆی ئەوەی گەنج شوناسێكی هەبێت ئیتر ئەو شوناسە گوزارانیش لە هەر شتێك بكات ئەوە ژیانی گەنجی كوردە. ئەوەی گەنج لە كەسانی تری كۆمەڵگا جیادەكاتەوە ئەو بیركردنەوە نوێیانەیە كە هەیەتی و هاوكات ئەو خەون و خولیا هەمەرٍەنگ و فرەلایەنە بەردام كاریان بۆ دەكات, خۆ ئەگەر گەنج خاوەنی خەون و بیركردەنەوەی نوێ نەبێت ئەوا هەرگیز ناتوانێ نەوەكانی پێش خۆی تێبپەڕێنێت و داهێنان بكات. ئەوەی من دەبینم لە گەنج كورد خەسێنراوە لەلایەن دەسەلات و حیزبەوە و مەرامی یەكەمی دەسەڵات و حیزبی كوردیش خەساندنی گەنج بووە,بە تایبەتیش ئەو رێژە كەمەی گەنج دەیانەوێت گۆرٍِان و نوێبونەوە بكەن ئەو دوو پێكهاتەی گەنج كە لە كۆمەڵگای كوردی پانیاییەكی زۆری زانكۆ و پەیمانگاكانی كوردستان داگیركردووە,هاوكات رێژەیەكی كەمی گەنجیش بە شێوەیەكی جیدی و لێبرٍاوانە كار بۆ گۆرٍان نوێبوونەوە دەكەن و دەیانەوێت دۆخێكی نوێ بۆ ژیان و سنورێك بۆ دەسەڵات دابنێن وەك چاودێرێكی وردی ئەو دەسەڵاتە كەمتەرخەمە بن كە پانتایی كۆمەڵگای كوردیان داگیركردووە.
ئەوەی گەنج لە كۆمەڵگا جیادەكاتەوە ئەگەر ئەم لەیەك جیابوونەوەیە نەبێ ئەم پرٍۆژەیە نەبێتە ناسنامەی پیر و گەنج دواجار ناسنامەیەكی و هاوچوون یەك ئەو ناسنامە كۆمەڵایەتیە گشتیەی ,كە كۆمەڵگا بەدرێژایی مێژوو بۆ هەموو تاكەكان گۆمەڵگای دروست دەكات.گەنج لەو ساتانەدا دروست دەبێ كەپڕۆژەیەكی جیاواز دێنێتە گۆڕێ كەساتێك دێت گۆڕانە كە جۆرێكی تر لە بیری تر لە دایك دەبێت كەدیدێكە لە خاڵە جەوهەریەكان ناچێتەوە سەردیدە كۆنەوە لێرەوە بیری گەنج ,كە دروست دەبێت سەرەتا بەشێوەیەكی رەخنەگرانە دروست دەبێت لەبەرئەوەی ئەو داواكاریانەی ,كە گەنج هەیەتی هێشتا لە ئاستی كۆمەڵایەتیدا و لەئاستی سروشتی دەسەڵاتی سیاسی رەنگی نەداوەتەوە لێرەوە گەنج هەمیشە مۆركی یاخی بوونێكی بۆ ئەوەی بزانین شتێكمان هەیە ناوی گەنجە دەبێت تەماشای گۆمەڵگا بكەین بۆئەوەی بزانین شتێكمان هەیە یاخی بوونە.حیزبە كوردەكان دەستی بەسەر هەموو كایەكانی ژیانی گەنج دەگرتووە ئەو دەسەڵاتەو دەسەڵاتیش حیزبە, حیزبیش بۆ پتەوكردنی رٍٍِەگەكانی خۆی لەكۆمەڵدا كۆنەپارێزی دەكات لەمەدا حیزب لە پیرەكان دەچێ, دەبێ ئەوەش بزانین كە كۆنەكان پارێزگاری لە حیزب دەكەن و هەوڵی بەموقەدەست كردنی حیزب دەدەن , بەڵام گەننجەكان بەچاوی رەخنەوە دەرٍِواننە حیزب بۆیە حیزب هەوڵدەدات گەنجەكان كەوی بكات,ئەگەر ئەمرٍۆ رێگە بدرێ بەگەنجان دەتوانن بەرنامەی نوێ و رێبازی نوێ و گونجاو پێشكەش بەحیزبەكان بكەن, چونكە تەنها گەنجانن كە خاوەنی خەونی نوێ و داهێنانی نوێن. گەنجان خاوەن وزەو رۆئیای نوێن و دەیانەوێ گۆرٍِان لە سەرلەبەری كۆمەڵگادا بكەن و بەگفتوگۆ بكات ,بەڵام حیزبەكان و پیرەكان قبوڵی گەنج ناكەن و دەترس و پاراستنی كورسیەكەی خۆیاندان و لە سەنگەرێكدا وەستاونەتەوە دژی گەنج, سەنگەرێكی فەنتازی هەتا حیزب خولیاو ئاواتە بۆ گەنەكانی پیر تێر بكات ,پیر بەهێزتر دەبێت و ئەركی گەنج قورستر دەبێت بۆ بەرەنگاربوونەوەی مەوداكانی ژیان و شوێنی داهێنانی گەنج تەسكتر دەبێتەوە , بۆیە گەنج بەلێشاو بیر لە كۆچ دەكاتەوە و بیر لەپیاسەی بێهودە دەكاتەوە لە سەر شەقامەكان و هەتا زۆر جار بیر لە خۆكوشتن دەكاتەوە. 
لاوان
كوردستان بوست

خواد بةدور مان كا

زور سوباس