| |  موضوع: ابوذيات موطبيعيه  الإثنين 03 مايو 2010, 4:29 am | |
| بهل دنيا كَعدنه شكثر ويناس
ملكَينه اليفرح الكَلب وناس
يدنكَ لو يشوفك طحت وينس
بالشدات عافك بالثنيــــــــــه
&&&
اناشد وين محبوبي وضعنه
سكاره وتهنه من حبنه وضعنه
تعال وشوف يمدلل وضعنه
وضع ما بان على الوطيه
&&&
بالله ياسنين الخير عوداي
وانا عنبر شتال النبت عوداي
عدل ويه الصديج وسمح عوداي
وعوج ويه الخصيم على الرديه
&&&
يروحي اسري لعد ولفج وعيدج
جروح البالكَلب منهم وعيدج
تعيد الناس مرتاحه وعيدج
بكدر من شحو احبابج عليه
&&&
كَلبي ما فرح يا ناس هل يوم
بسبب ماشفت حلو الطول هل يوم
شكَد ناحت شباب وياي هل يوم
نعن ودمونه صبن سويه
&&&
عسنه اللامني بحبك تحرم
بمرض ونعزل ماعونه تحرم
وصل الزانيات النه تحرم
وانا دمي مباح شلون بيه
&&&
أنكَضه عمري وشبابي خلص بس هم
انولى جبدي ودليلي انعاب بس هم
جفيت وصوبيت الروح بسهام
وجفاك الشمت العذال بيه
&&&
غرامك حمسانه وصله منه
الكَلب وهجست طارت وصله منه
عسى الي منع ولفي وصلي منه
عمه بداره ولا يشوف الثنيه
|
|
| | | موضوع: رد: ابوذيات موطبيعيه الثلاثاء 03 أغسطس 2010, 2:16 am | |
| مشكور خيو
اهواية احب الابوذيات
| توقيــع العضو كــاردينيــا | |
|
|
| | | موضوع: رد: ابوذيات موطبيعيه الأربعاء 04 أغسطس 2010, 4:32 pm | |
| شكرا | توقيــع العضو شميران كركوكي | |
|
|
