لا تمطر شمس لو مرنه تموز
حرك صح برد بس ذابح الكون
رقيق بكل شي انت وكلشي معروف
ومتفسره اعله بابك حتى الاضنون
لا تحجي السوالف خلها تحجيك
لان حتى بسكوتك تحجي مضمون
ولك بيش انا اوصفك مو حرت بيك
اذا حتى اعله ضلك تمشي الا عيون
يل كلك جمال منين ما اجيك
وكل لحظه اعله شفتك ينخلق لون
انت بلايه انت تحير الاعقول
شلون انت ويه انت اعله اليوصفون
لازم فلسفه وديوان الك خاص
وحكمه بلا عقل يوهبها مجنون
سر شعرك جريمه وذابح الليل
ودم الليل طاح وباسك شلون؟؟؟
وكلي شلون كلبك باقي وياك..؟
وخلص عمره اعله بوسه ايعض بالاسنون
وذا عمر الكلب خلصها حسرات
متكلي اشبقالك من الامتون؟؟؟
ضحاياك شكثر..؟؟ كلهم يحبوك
وانا اول ضحيه البيك مفتون
هاي شلون صارت كلي يفلان
اكثر معجبيك من اليكرهون
ولك حتى الصبر ما ضل صبر بيه
خلص خلكه اعله ليل الما ينامون
وانه اعله الصبر ذبيت الايام
نخيته اوياك يمكن باجر تهون
وعليك الروح راحت ويه الاعيون
ودخيلك كلي هم باجر يرجعون....... ؟؟
الخميس 10 ديسمبر 2015, 4:36 pm من طرف hayderaltimimi
