اريد اوصف جمالك خاف العيون
تحسدك والحسد نظراته چتاله
اقرالك سور وآيات بالقرآن
وكلساعه احصنك بالنبي وآله
من گد الجمال الشايله بممشاك
حتى الـگمر راد يحطك ابداله
ربك خالقك من ذهب مو من طين
وحور العين كلهن يمك اخشاله
شعرك ليل ذب روحه اعله المتون
عفيه اعليه متنك ماهدل شاله
شمس وجهك لكن ما يجيه غروب
تحت في الشعر بالنور يتلاله
عينك نرجسيه ومن تطرها شلون
قناص وتصيب التوگف اگباله
عينك بندقيه ورمشك الها زناد
ونظراتك فشـگ ياهو التدناله
رفعت حاجبك چن رفعت هلال
مثل اول شهر من يظهر هلاله
اشفافك بلحـچـي تنرسم وردات
متفتحه بنداها معطره چماله
هذا الوصف كله وشاوصف بيك
ما اگدر اوصََّف طارف اذياله
كل هذا الجمال الجاي اوصف بيه