7-احتمال اروح سويسرا الصيف القادم ( خطيه تروح لمدينة العاب چيمن عبالها سويسرا )
8- تصدك حبيبي ماعرف ألبس الا من احدث الموديلات( خلف الله على الطلب من الصديقات)
9-اووووووه حبيبي مشتهيه كابتشينو وكيك ابو الكريم ( هيه اسمه كاتبته يمها لان ما شاربته اصلا وتفيك بيه على الفقره )
10-دائما عطوري مااشتريه منا كله بابا ايجيبه من الخارج (الله يرحم خبط العطور الرجالية والنسائية لاجل التثبيت) 11- شكلي حبيبي راح اطك لي بي ام من الوكاله ( اذا مو داتسن موديل 76 من المباشر مالت المعارض واذا حصلته )
12- اني بيتنا بشارع الحب على تقاطع طريق بغداد ( شارع حب ماكو شون جذب مصفط)
13- حبيبي اليوم تلفوني وكع من دا سبح وخرب ( يعني اشتري لي جهاز..)
14- انا جنت مخطوبه بس خطيبي مابي مواصفات وفسخت الخطوبة (هوه زين حس على نفسه وخلص نفسه من هالبلوه ))
15- حبيبي اروح اشتري حذاء من هذا ابو $50( كولي ابو ال2000 ومن البالات ليش مستحيه )
16- حبيبي خلي ابالك ترى انا اذا حبيت حبيت من كل كلبي( اي احجيلج ويا )
17- حبيبي اني اروح لنادي الصيد بعجبني العب تنس هناك ( هيه آخر لعبة واصلتها توكي) 18- علاقتي بيك محد يدري بيها ابد لانها تعتبر من اهم خصوصياتي ( هو الكل يعرف حتى صاحبتها وجيارينهم تدري انها تحجي ويه صاحبها كل يوم.. )