بس ميانه
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
@@@@@@@
و انته راوي
اراوي جروح كلبي و انته راوي
و رواية شوك روحي و انته راوي
عثك الناس حشف و انته راوي
بريمك طاح من خدك بديه
@@@@@@
دلالك
عكلي ما دلا لغيرك دلا لك
حلو و يمرعد بكلبي دلالك
كم كم خني و معاشر دلالك
صافي اشرب و خلي البثل ليه
@@@@@@
ترتجي انته
بعد المن تتاني و ترتجي انته
تشيل تهيم حتما تره تجي انته
بلايه عضام تمشي و ترتج انته
اتفصخ خاف كل وصله بزويه
@@@@@@
مرهم انه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
***********