رۆژی 26\1 سه‌رۆك مام جه‌لال له له‌به‌غدا چاویكه‌وت به‌دكتۆر موحسين عه‌بدولحه‌مید سه‌رۆكی ئه‌نجومه‌نی شورای گشتی حزبی ئیسلامی عيراقی‌و له‌دیدارێكدا بارودۆخی گشتی عيراق‌و نوێترین گۆڕانكارییه‌كانی سه‌ر گۆڕه‌پانی سیاسی عيراق‌و هاوپه‌یمانێتی نێوان قه‌واره‌و هێزه جیاجیاكانی تاووتوێكرد.
سه‌رۆك تاڵه‌بانی دووپاتیكرده‌وه كه هه‌ڵبژاردنی داهاتوو هه‌ڵبژاردنێكی چاره‌نوسسازه‌و عيراق ده‌خاته ناو قۆناغێكی سیاسی‌‌و دیموكراتی پێشكه‌وتووه‌وه، هیواشی خواست پرۆسه‌ی هه‌ڵبژاردن به‌سه‌ركه‌وتوویی به‌رێوه‌بچێت به‌شێوه‌یه‌ك كه گونجاو بێ بۆ عێراقی نوێ‌و پێگه‌ی وڵات له كۆمه‌ڵی نێوده‌وڵه‌تیدا.
سه‌رۆكی ئه‌نجومه‌نی شورای گشتی حزبی ئیسلامی عيراقی سوپاس‌و پێزانینی خۆی ئاڕاسته‌ی سه‌رۆك تاڵه‌بانی كردو پێداویستی عيراقی دووپاتكرده‌وه بۆ سه‌رۆكایه‌تیكردنی ژیرانه‌ی سه‌رۆك مام جه‌لال چونكه واقيعێكی سیاسییه‌و هه‌ڵوێستێكی یه‌كسانی هه‌یه بۆ هه‌موو پێكهاته‌و چینه‌كان.
له‌لایه‌ن خۆیه‌وه سه‌رۆكی ئه‌نجومه‌نی شواری گشتی حزبی ئیسلامی عیراق ته‌ئكیدیكرده‌وه كه عیراق پێویستییه‌كی زۆری به سه‌ركردایه‌تی حه‌كیمانه‌ی مام جه‌لال هه‌یه.
الخميس 10 ديسمبر 2015, 4:36 pm من طرف hayderaltimimi
