رۆژی 13/12 ههردوو گروپی عهرهبی و توركمانی لهئهنجومهنی پارێزگای كهركوك كۆنگرهیهكی رۆژنامهییان رێكخست و لهو كۆنگرهیهوه بهیاننامهیهكی هاوبهشی ههردوو گروپهكهیان خوێندهوه و لهبهیاننامهكهدا دژایهتی خۆیان بۆ ئهو پهرهسهندنانه نیشاندا، كه لهبواری پێشكهوتنی پهیوهندی سیاسیی و دیپلۆماتیی نێوان حكومهتی ههرێمی كوردستان و ویلایهته یهكگرتوهكانی ئهمریكا هاتونهته دی و ئهو دوو گروپه ئهو پێشكهوتنانهیان بهسهفقهیهكی نێوان ئهمریكا و لیستی هاوپهیمانی كوردستان وهسف كرد.
لهبهشێكی بهیاننامهكهیاندا گروپی عهرهبی و توركمانی داوایان لهكورد كرد لهو كارهیان دوور بكهونهوه، بهو پێیهی بهبۆچوونی ئهو دوو گروپه ئهو لایهنه پێچهوانهیهی دهستور و رێككهوتنی ستراتیژیی نێوان عیراق و ئهمریكایه و شكاندنی سهروهریی یهكێتی خاكی عیراقه و ئهو دوو گروپه ئهوهشیان دووپاتكردوهتهوه كهماددهی 140 ماددهیهكی مردووه.
لهكاردانهوهیهكیدا بهرامبهر بهو بۆچوونانهی ئهو دوو گروپهو لهلێدوانێكیدا رزگار عهلی سهرۆكی ئهنجومهنی پارێزگای كهركوك رایگهیاند: هیوادارم ههڵوێستی لایهنه سیاسییه عیراقییهكان و ئهو لێدوانهی كۆشكی سپی كهدوای پهسهندكردنی یاسای ههڵبژاردنهكانی عیراق دێت، بهههڵه لێك نهدهنهوه. وتیشی: پێویسته ئهو لایهنانه لهو راستییه بگهن، كه دهربڕینی پشتیوانی لهلایهن ئهمریكاوه بۆ حكومهتی ههرێمی كوردستان پشتیوانییه لهههموو لایهك و بهتهنیا لایهنگریی نییه لهخهڵكی كوردستان یان كورد، وهك ئهو لایهنانه دهڵێن.
وتیشی: پێویسته ئهو لایهنانه لهوهش بگهن كهئهوه ئهركی حكومهتی عیراقه كهپشتیوانیی لهحكومهتی ههرێمی كوردستان بكات، چونكه ههرێمی كوردستان بۆ خۆی بهشێكه لهخاكی عیراق، پێویسته ئهو دوو لایهنه و ههموو لایهنهكانی تر لهعیراق پشتگیری لهههرێمی كوردستان بكهن و ئهزمونی ههرێمی كوردستان بكرێته نمونهیهك و فاكتهرێك بۆ بهرهو پێشبردنی عیراق و بنهمای بوژاندنهوهی سیاسی و خزمهتگوزاری و پرۆسهی دیموكراتی لهعیراق، سهرۆكی ئهنجومهنی پارێزگای كهركوك دووپاتی كردهوه ههق نییه برایانی عهرهب و توركمانی هیچ لایهنێكی دیكه بهحهسادهتهوه بڕوانێته ئهو ههنگاوه، چونكه ئهو پشتیوانیهی كۆشكی سپی بهتهنیا پشتیوانی نییه لهحكومهتی ههرێمی كوردستان، بهڵكو پشتیوانیشه لهعیراق و ئهو بیركردنهوهیهی ئهوان بۆ مهسهلهكه كردوویانه بیركردنهوهیهكی ههڵهیه، رزگار عهلی وتیشی: پێویسته ههمووان دهستخۆشی لهو ههڵوێستهی ئهمریكا بكهین، چونكه ئهمریكا پشتیوانی لهناوهڕۆكی دهستورهكه كردوه، بهههموو مادهكانیهوه كه ماددهی 140 یهكێكه لهو ماددانه.
توقيــع العضو شميران كركوكي |
|