بۆچی سیدییەكەی شانیا بڵاونەكرایەوە؟
شانای كچە گۆرانیبێژێكی عەرەبە، بەڵام بە كوردی گۆرانی دەڵێت و دەتوانین بڵێین بۆ كچێكی عەرەبی سەركەوتنێكە كە بە زمانێكی دیكە گۆرانی بڵێ، شانای ماوەیەك بەر لە ئێستا بە نیاز بوو یەكەم بەرهەمی تایبەتی خۆی بڵاوبكاتەوە كە لە چەند گۆرانییەك پێكدەهات، بەڵام ئەو بەرهەمەی بڵاونەكرایەوە و هۆكارەكانی بڵاو نەكردنەوەیشی دیار نین، بەڵام هۆكارەكان هەرچییەك بن بوونە هۆی نیگەرانی و دڵگرانی ئەو و گەیشتە ئەو رادەیەی سارد ببێتەوە لە بەردەوام بوون لەسەر كاری هونەری، هەرچەندە لە منداڵییەوە خولیا گۆرانی و مۆسیقایە و لە بواری مۆسیقاش خوێندوویەتی، بۆ زانینی هۆكارەكانی بڵانەكردنەوەی بەرهەمەكەی شانیا بە پێویستمان زانی.
بۆچی سیدییەكەی شانیا بڵاونەكرایەوە
شانای كچە گۆرانیبێژێكی عەرەبە، بەڵام بە كوردی گۆرانی دەڵێت و دەتوانین بڵێین بۆ كچێكی عەرەبی سەركەوتنێكە كە بە زمانێكی دیكە گۆرانی بڵێ، شانای ماوەیەك بەر لە ئێستا بە نیاز بوو یەكەم بەرهەمی تایبەتی خۆی بڵاوبكاتەوە كە لە چەند گۆرانییەك پێكدەهات، بەڵام ئەو بەرهەمەی بڵاونەكرایەوە و هۆكارەكانی بڵاو نەكردنەوەیشی دیار نین، بەڵام هۆكارەكان هەرچییەك بن بوونە هۆی نیگەرانی و دڵگرانی ئەو و گەیشتە ئەو رادەیەی سارد ببێتەوە لە بەردەوام بوون لەسەر كاری هونەری، هەرچەندە لە منداڵییەوە خولیا گۆرانی و مۆسیقایە و لە بواری مۆسیقاش خوێندوویەتی، بۆ زانینی هۆكارەكانی بڵانەكردنەوەی بەرهەمەكەی شانیا بە پێویستمان زانی
* هۆكاری بڵاونەبوونەوەی ئەلبوومەكەت بۆچی دەگەڕێتەوە؟
_لەبەر ئەوەی هیچ پاڵپشتی و هاوكاری نییە لەلایەن وەزارەتی ڕۆشنبیرییەوە تەنها لەلایەن هەندێك بەرپرس پارە دەدرێتە ئەو هونەرمەندانەی لێیانەوە نزیكن و دەیانناسن. بەپێچەوانەوە من زۆر دوورم لەو كەسانە و لە یارمەتییەكانیان.
بۆیە من وەك هونەرمەندێك كە لە سەرەتای كاروانی هونەریەتی بەدوای دامەزراوەیەكی حكوومی دەگەڕێم لەكوردستاندا بۆ هاوكاریكردنی من و چەندین كەسیك دیكەی وەك من كە لەبواری هونەریدا كار دەكەن و ئەو كارەیان خۆش دەوێت و بە كارێكی پیرۆزی دەزانن، بەڵام نامەوێ كەس هاوكاریم بكات تەنها لەبەر ئەوەی كچم بێ ئەوەی گرنگی بە ئاستی هونەری من بدات و بزانێت من تواناو لێهاتوویی ئەوەم هەیە ببم بە هونەرمەند، ئەو كەسانە كە هیچ ئاگاداری هونەر نین و بە پارەی خۆی تەنها ئەو ئافرەتانە بەكاردەهێنن كە هەژارن، ئەم جۆرە كەسانەش بێگومان لەبواری هونەرییەوە نەزان و نەخوێندەوارە و نازانن هونەر چییە.
* تۆ مەبەستت كێیە لەو قسانەت؟
- كەسانێكی دیاریكراو هەن كاریان ئەمەیە و پێویست ناكات ناوەكانیان بڵێم، بەڵام تۆ دەتوانیت پرسیار لەو ئافرەتانە بكەیت كە لە تەلەفزیۆن و ڕۆژنامە و بواری هونەریدا كاردەكەن و ئێستا سیدیان هەیە لێیان بپرسە مەبەستم كێیە، ئەمانە پارە لە كەسانێك سەرف دەكەن بە ناوی هونەرەوە و بەناوی ئەوەی هونەر بەرەو پێش دەبەن و پێشی دەخەن، بەڵام لە راستیدا ئەوەی ئەوان بەو ناوە پێشكەشی دەكەن نە هونەری تێدایە و نە هیچ پەیوەندییەكی بەسەر هونەرەوە هەیە.
* ئەی دەربارەی ئەلبووكەت، چی بەسەر هات؟ ئایا بڵاو دەبێتەوە یان نا؟
- سیدیە تایبەتیەكەی من بڵاو نابێتەوە لەبەر ئەوەی ئەوەندەی پارەی لەبەردەستم دابوو سەرفم كرد لەو سیدییە، ئەگەر لایەنێكی حكومی یان كۆمپانیایەكی هونەری پاڵپشتیم نەكات ئەوا باوەڕ ناكەم بەم زووانە بتوانم بڵاوی بكەمەوە .
* بەڵام هەندێك هونەرمەندی تر دوای تۆ ڕوویان كردە گۆرانی گوتن و ئێستا سیدییەكانیان لەبازاڕە، تۆ پێش ئەوان دەركەوتی و سیدیت بڵاو نەبۆتەوە؟
- لەبەر ئەوەی هەندێك كەسی گەندەڵ و ئەوانەی یاری ب هونەرەوە دەكەن پشتگیرییان دەكەن و گشت كارەكانیان بەپارەی ئەوان ئەنجام دەدەن تەنانەت ریكلامێكی باشیشی بۆ دەكەن.
* لەسەرەتای دەركەوتنتدا بەردەوام پێدەكەنی و گەشبین بووی، ئەی ئێستا هەست بە چی دەكەی؟
- دەمەوێت بە پرسیارێك وەڵامت بدەمەوە ئایا ئەوە كاری هەندێك كەسە كە هیچیان بەسەر هونەرەوە نییە پارە بدەن بەو هونەرمەندە ناهونەرمەندانە یان كاری وەزارەتی ڕۆشنبیرییە، چۆن بتوانم پێبكەنم و دڵخۆش بم كاتێك دەبینم هەندێك كچ تا ئێستا لەئەوروپا بوونە و لەچێشتخانە و باڕەكاندا ئیشیان دەكرد كەچی پێش من كەوتن و سیدی و بەرهەمەكانیان زۆر بە باشی بڵاودەكرێتەوە ئەمەش هەمووی بەپارەی هەندێك لەو كەسانە.
منیش كە هەر لەمنداڵییەوە ڕاهێنان دەكەم لەسەر هونەر و وانەی هونەری و مۆسیقا و گۆرانی دەخوێنم، كەچی ئێستا وا من دانیشتووم و گوێ دەگرم و تەماشای ئەوانە دەكەم كە بە ناوی هونەرەوە شتی نەشاز پێشكەش دەكەن و ناچارم سەیری دیمەنی نمایشكردنی جەستەیان دەكەم كە كاری سووكن و هونەری نین.
* كەواتە ئێمە دەتوانین بڵێن پەشیمانی لە تۆماركردنی ئەلبوومەكەت یان قسەی خۆت هەیە و كاتێكی تر بڵاوی دەكەیەوە؟
- لەڕاستیدا من پڕ بە دڵ گەلی كوردم خۆشدەوێت و شانازییەكی گەورەیە بۆ من بە زمانی كوردی گۆرانی بڵێم، بەڵام هەست دەكەم هیچ بایەخدان نییە بە هونەری كوردی و یارمەتی ئەوانە نادرێت كە هونەرمەندی راستەقینەن و بە دڵسۆزی و راستگۆییەوە كار دەكەن بۆ پێشخستنی هونەری خۆیان، لەمەش تەنیا مەبەستم خۆم نییە بەڵكو بۆ زۆربەی هەرە زۆری هونەرمەندان هەما رای منیان هەیە، چونكە ئەوانیش درك بەو كارە دەكەن كەوا هەندێك كەسی دیكە پێش دەخرێن و كاریان بۆ دەكرێت لەسەر حیسابی ئەوان و هونەرەكەیان.
* دەمەوێت پێم بڵێی ئایا ئەلبوومەكەت بڵاو دەبێتەوە یان نا؟
-وەك پێم گوتی من ئەو توانایەم نییە كارەكانی ئەلبوومەكەم تەواو بكەم چاوەڕوانم تاكو حكوومەت هاوكاریم دەكات، من چاوەڕوانم و نازانم تاكەی چاوەڕوانییەكەم بەردەوام دەبێت، بەڵام ئێستا من خۆم لەرووی داراییەوە ئەو توانایەم نییە.
* دوا قسەی شانیا چییە؟
_ پێم وایە زۆر ماندوو بووم بەدەست ئەم سیدییەوە، كاتێكی زۆری خۆیم بۆ تەرخان كرد و داهێنانم كردووە لەگۆرانی گوتن بە زمانی كوردی ئەمەش مایەی شانازییە، راستە من كچێكی عەرەبم، بەڵام ه هیوادارم لە كۆتاییدا سیدییەكەم بڵاو ببێتەوە بۆ ئەوەی خەڵكی كوردستان گوێ لەسیدییەكەم بگرن و گوێ لە كچێكی عەرەب بگرن كە بە زمانی كوردی گۆرانی دەڵێت، هەروەها بۆ ئەوەی منیش بزانم كاردانەوەیان چۆنە بەرامبەر دەنگی من كە ئەمە زۆر دڵخۆشم دەكات و شانازیش بەوە هەڵسەنگاندنی جەماوەری كوردییەوە دەكەم و دەبێتە هاندەرێك بۆ بەردەوام بوون و پێشكەش كردنی كاری هونەری نوێ و جوانتر، بەڵام تا سیدییەكەك بڵاونەبێتەوە ناتوانم هیچ بكەم یاخود بیر لە داهاتوو و كاری نوێ بكەمەوە.
| توقيــع العضو شميران كركوكي |
|
الخميس 10 ديسمبر 2015, 4:36 pm من طرف hayderaltimimi