مثل غيم الشته همي تراكم
متى عيني يا احبابي تراكم
شهور سنين غيبتكم ترى كم
وحيد ولا عزيز ايمر عليه
زماني جرد سيوفه وسنهه
عليه وحرمت عيني وسنهه
وحق الي فرض خمسه وسنهه
بعد هيهات عيشه تصير اليه
احسابي ماغلط مره وعدي
ودومك تغلط بحقي واعدي
السوالف كلما اشد يمي وعدي
عليمن خايب تخبط عليه
عمري التيهيته وضاع سني
كبرت وطاح من كادم سني
شيعي وجيف احبه صرت سني
وتيهت الخمس والمرجعيه
بس احنه بكتاب الشوك نصحه
وياريت النصحنه يطول نصحه
سكارى ومانحب فديوم نصحى
الصحو شيفيد وبكلبي اذيه
قطار الباك حسنك مرعداني
او وبااء الوان حبك مرعداني
ولك سجين بعدك مرعداني
وصرت بجفاك اون اني عليه
الف الدنيه كلهه وما تلفني
وحسافه الغير شخصك ما تلفني
عمت عين العنايه وماتلفني
ولك السهر ابعدك تلفني
ولك درجع وخل ترد الروح بيه
لجلك ضحك سني ونته سني
وخليني اريحنك وانته سني
خو تدري انه شيعه ونته سني
واحبك رغم انف الطائفيه[center]
توقيــع العضو بيتميان حسرتلار |
|