لێكۆڵینه‌وه‌یه‌كی ئه‌ڵمانی ئه‌و راستییه‌ی ده‌رخستووه‌ كه‌ پرخه‌پرخ له‌ خه‌ودا زیانی بۆسه‌ر چالاكی سێكسی پیاوان هه‌یه‌ و چالاكی سێكسی پیاوان لاواز ده‌كات. ئه‌م لێكۆڵینه‌وه‌یه‌ كه‌ له‌لایه‌ن ده‌سته‌یه‌ك پسپۆری ئه‌ڵمانییه‌وه‌ ئه‌نجامدراوه‌ جه‌خت له‌سه‌ر ئه‌وه‌ ده‌كاته‌وه‌ كه‌ پرخه‌پرخی خه‌وی پیاوان به‌هۆی ته‌سكبوونه‌وه‌ی رێڕه‌وی هه‌واوه‌ دروست ده‌بێت..ئه‌مه‌ش هۆكاره‌كه‌ی ده‌گه‌ڕێته‌وه‌ بۆ زیادبوونی چڵم و گۆشت له‌ لووتدا، ئه‌مه‌ وێڕای دروستبوونی هه‌سته‌وه‌ری (حه‌ساسیه‌) له‌ لووتی پیاواندا. جگه‌ له‌مانه‌ش ماندووبوون و شه‌كه‌تی پیاوانیش هۆكاری دیكه‌ی پرخه‌پرخن. پسپۆرانی ئه‌ڵمانی چه‌ندین رێنماییشیان بڵاوكردۆته‌وه‌ له‌پێناو رزگاربوونی پیاوان له‌ پرخه‌ی خه‌و و سه‌لامه‌تی چالاكییه‌كانی سێكسیان، پسپۆران ئامۆژگاری ئه‌و پیاوانه‌ ده‌كه‌ن كه‌ له‌ خه‌ودا پرخه‌ پرخیان دێت، ئه‌وه‌ كێشی خۆیان كه‌م بكه‌نه‌وه‌ و وه‌رزش ئه‌نجام بده‌ن..هه‌روه‌ها له‌ كاتی نووستنیش له‌سه‌ر لایه‌ك بنوون و خۆیان له‌ نووستن له‌سه‌ر پشت دوور بكه‌نه‌وه‌. هه‌وره‌ها پسپۆران ئامۆژگاری كردووه‌ كه‌ شه‌وانه‌ پێش نووستن ئه‌و پیاوانه‌ی پرخه‌یان دێن ئه‌وه‌ كوپێك شیر بخۆنه‌وه‌.

ده ست خوش سه ركه ووتوبيت