منتديات كركوك تايمز

منتديات كركوك تايمز
 
الرئيسيةس .و .جالتسجيلدخول
أفضل 10 أعضاء في هذا المنتدى
فيــرو - 3141
 
شميران كركوكي - 2120
 
Rasti - 1769
 
zoba - 1578
 
كــاردينيــا - 1350
 
دمعة حزن - 579
 
A.O.J - 538
 
Aramos - 497
 
ديدار - 410
 
دانيار كوردى - 404
 
المواضيع الأخيرة
» استضافة مجانية مع دومين .com مجاني مدى الحياة
الخميس 10 ديسمبر 2015, 4:36 pm من طرف hayderaltimimi

» ليلى والخمسين حرامي .. بقلمي
الإثنين 09 نوفمبر 2015, 7:19 pm من طرف حجي تمساح

» شل c99 مع الشرح بالفيديو
الأربعاء 04 سبتمبر 2013, 4:56 pm من طرف فيــرو

» شل c99 مع الشرح بالفيديو
الأربعاء 04 سبتمبر 2013, 4:52 pm من طرف فيــرو

» ثغرة XSS
الثلاثاء 27 أغسطس 2013, 5:20 pm من طرف فيــرو

» موقع يقدم اخر الثغرات
السبت 24 أغسطس 2013, 7:04 am من طرف فيــرو

» ثغرة جديدة
السبت 24 أغسطس 2013, 7:01 am من طرف فيــرو

» برنامج الهجوم على المواقع
السبت 24 أغسطس 2013, 4:57 am من طرف فيــرو

عداد الزوار

hit counter

شاطر | 
 

 كلمات اغاني البوم حسام الرسام 2010 جديد جدآ وحصريآ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الباشا تـلميذ
عضو ذهبيعضو ذهبي
avatar
بيانات العضو
الجنس : ذكر
عدد المساهمات : 382
نقاط : 14036
تاريخ التسجيل : 01/07/2010
العمر : 27

مُساهمةموضوع: كلمات اغاني البوم حسام الرسام 2010 جديد جدآ وحصريآ   الجمعة 16 يوليو 2010, 3:53 pm

[size=24]


اليوم جبتلكم

كلمات
البوم حسام الرسام وكلها من الحانه





نبدي


1_حضر خدك



حضر خدك بسرعه اجتك بوسه متلهفه
بس البوسه غداره تريد تروح عالشفه
شسوي واني شعليه
هيه البوسه لوتيه
يم شفافك الحلوه ابوها بعد متعرفه

قبل لا دزها احذرها واكلها الغالي لايزعل
عالخدين روحي انتي لان عالشفه مايقبل
هيه تكلي ميخالف
ما اوصل للشفايف
ويم شفافك الحلوه ابوها بعد متعرفه

حبيبي اعذرني مو بيدي السبب من عدها صدكني
ماتكعــــد ابــــد راحـــه هـــاي البوســـه كتلتني
انته الخاطري اعذرها
بس هالمره عبرها
لان يم شفتك الحلوه ابوها بعد متعرفه

كلمات:علي الديواني



2_الحبيب الثاني



حبيت غيرك لاتظن راح ابقه احبك اني
مرتاح هسه بدنيتي ويـه الحبيـب الثانـي
العمر فدوة يروح اله
وبكــل مكـان اتخيلـه
صدكني نساني الحزن بس بالفرح خلاني

حبيت غيرك لاتظن ماعيش ابد من دونـك
ماراح اموت وداعتك لو ما اشوف عيونك
ميـت بدونـك جنـت احس
بس هسه صارت بالعكس
من تبتعد افرح تره روح ابتعد وانسانـي

حبـي انتـه ماتستاهلـه تندمـت مـن حبيتك
راويتني نجوم الظهر وانه الفرح راويتك
بكد شعر راسي تندمت
صدكني من بيـك امنت
لتبوس اديه وتعتذر ولاتجي تترجانـي

كلمات:علي الديواني


3_ضميتج بقلبي


ضميتج بكلبي وتكولين بردانه
منين اجاج البرد نامي يبطرانه
دفيتج بصدري انه
وانطيتلج عمري انه
مو برد هذا دلع صدكيني يفلانه

بحظاني وتبردين ماصدك شلون
غطيتج اني اليوم برموش العيون
ضميتج بكلبي انه
ويبقه الج حبي انه
انطيج بوسة صلح خاف انتي زعلانه

بالكلب بيتج صار وعيوني الاثنين
واحركلج اني الروح لمن تبردين
لو تطلب عيوني انه
اهديها صدكوني انه
يمعوده صار الصبح ليش انتي سهرانه

كلمات:علي الديواني


4_اني وانتي


اني وانتي ياحياتي كون يتحقق
حلمنه
ماطلبنه هواي احنه بيت زغير يلمنه
حتى لو بس غرفه وحده
بيها نزرع الف ورده
نقبل بكلشي اني وانتي المهم يلتم شملنه

ياحبيبه كلبي انتي بيج يوميه اني احلم
نايمه مابين اديه يلي دربي بدونج اظلم
بالحلم شفتج عروسه
وخدج تمنيت ابوسه
احلى ايام وليالي ضاعت بلا سبب منه
خلصت عمري بتمني شوكت يتحققلي حلمي
ويمته اشوفج ياحياتي كاعده ومرتاحه يمي
يمته احظنج بين اديه
مو خلص صبر العليه
احنه ملينه وتعبنه والزمن لا مارحمنه

كلمات:علي الديواني




5_شعليه بحجيهم


بعد شعليه بحجيهم وليش اشغل
بالي بيهم
الدنيه مادامت الواحد سهله من تفتر عليهم
اني راح ابتعد عنهم
والله ياخذ ثاري منهم
بعد ماريد ارجعلهم حتى لو روحي بديهم

بعد ما امشي بدربهم لان مو صافي كلبهم
هم يجيهم يوم همه ونارهم تاكل حطبهم
كلبي لو حن مره اشوفه
اتبره من عنده واعوفه
شما حجو همه عليه بيه ميـأثر حجيهم

الا اخليهم يجوني من اديه يبوسوني
ارد ابجيهم واذلهم مثل مابجو عيوني
ارد اراويهم عذابي
شيبوني بعز شبابيِ
برخص باعوني ونسوني وهسه يردوني اشريهم

كلمات:علي الديواني




6_مغرورة








مغروره عليش انتي وخشمج صاير
شعلوه
هم لو حلوه ميخالف همزين انتي مو حلوه
لتنغريــن مـايحتـــاج
لج خلفله عالمكيـاج
اصلا انتي وعيونج ترحيلي بعد فدوه

حجايه ومني سمعيها ولطلعيها من بالج
بهاي الدنيه صدكيني اصلا محد بحالج
مجال انطيتج هوايه
لتلعبيــن ويايــــــه
هاي شبيج ماريدج قابل هيه بالكوه

احبج وابقه افكر بيج هاي السالفه انسيها
وكلمه حلوه وتخبلين بكلبج حسره اخليها
بنات هواي رادني
بكلبهن والله خلني
درجعي منين ماجيتي وغرورج فلس مايسوه

كلمات:علي الديواني



7_وردة



ورده ولابسه الوردي
ماخلت عقل عندي
يمكن اكلب الدنيه
اذا باستني من خدي

عليها عيون كتاله
الي يصادقها هنياله
ما بالغ اذا كلكم
يموت التوكف كباله

تخبل هاي البنيه
احلة من الكمر هيه
تتمشه العصر طلعت
سوت هزه ارضيه

اذا فد يوم تتحسر
نظام الكون يتغير
بالليل الشمس تطلع
والساعه بالعكس تفتر

سبحانه الي سواها
واحلى بنيه خلاها
مجنص كلمن تحبه
وكاعد حظه وياها

عسل تنكط شفايفها
اقصر لمن اوصفها
احسن شي اتانيها
ولمن تطلع اخطفها

كلمات:علي الديواني




8_ياربي


ياربي وكعني بوكت ضجي
حتى اعرف عدوي من صديجي
و اعرف منو اليستاهل انطي
عيوني وروحي وبنص كلبي اخلي
ومنو اليتخله عني بنص طريجي

اثق بيمن بعد مو شيب الراس
اذا الخايني هوه من اقرب الناس
مامرتاح اني بهايه دنياي
لان بالشده محد واكف وياي
بس الله اليرد افراحي بيدي


وفيت الناسي بس محد وفالي
بعد ماريد اثق حتى بخيالي
وفي وطيب عشت كل هاي الاسنين
تالي شحصلت بس دمعة العين
خلوني ابجي حتى بيوم عيدي

كلمات:علي الديواني





9_خليها سكتة





خليها سكته يلفته خليها سكته
ولفي تركني وراح خليها سكته
خلاني وحدي وراح
بغيابه مامرتاح
وبغيابه حتى الموت بعيوني شفته

اتمنه ولفي يصير دم يجري بيه
حتى من احن واشتاك اجرح اديه
الروح اخذها وياه
وكل عمري ما انساه
متندم اني شلون يهجرني عفته

صدكنـي ماحبيـت بـس الـك حبـي
جوه الظلع موجود يعني انته كلبي
يا اغلى من الروح
بعدك ملاني جروح
انته الكلب والروح وعيوني انته

كلمات:علي الديواني


10_حي الجهاد



يالساكنه بحي الجهاد وحي الجهاد شبعده
تدرين محبوبج تعب مو نفس حيل العنده
كالتلي مو لازم تجيني
الشوفتك مشتاكه عيني
الدنيه ليل شلون اجي ومنع التجول بعده

الكلب كاظيها بصبر بس الصبر مافاده
حبيت من حي الجهاد واني اسكن الكراده
مو هينه يحبيبه المسافه
حيكم كرخ واحنه الرصافه
ماهمني صدكيني الدرب لو بي اطيح بشده

يالساكنه بحي الجهاد ريتج سكنتي بروحي
باجر اجيج من الصبح ويمج اداوي جروحي
لو بيدي اسكن حيكم اني
خلصت عمري اسهر وعاني
يحبيبه مليت الصبر والعمر راح وعده

كلمات:علي الديواني



11_الحلو حلو





الحلو حلو لو يكعد من النوم
والمو حلو لو لبس احلى هدوم
حبيبي لاتطلع بعد الناس لحسدونك
ماكو امان بهل البلد بالعين ليصيبونك
انته حلو وتبقه حلو وماتكبر انته بيوم

انته كمر لا مو بشر وعيونك احلى عيون
عالماتو انته لو تمر كلهم تره يكعدون
الرسام حاول يرسمك حار بجمالك ماكدر
والشاعر بوصفك تعب بطل شغلته واعتذر
طولك حلو وشعرك حلو وتبقه حلو للدوم



حتى الورد عطره انفقد ومنك حبيبي يغار
انته جمالك معجزه وبالدنيه ابد ماصار
حبيبي اني اتوسلك ارحمني فدوة وكافي
اتمنه ابوسك بس خفت شفتك تذوب شفافي
انته حلو وتبقه حلو وماتكبر انته بيوم

كلمات:علي الديواني



12_راحت امي




راحت امي وراح ابويه وراح من
عندي الوطن
بعد شلي اني بحياتي وليش باقي بهل الزمن
اذا اقرب ناس اليه
اخذتهم الدنيه من اديه
بكبر خارطة العراق بكلبي انه شايل حزن

احنه اكثر شعب عانه وابد ماشاف السلامه
شوكت ترتاح بحياتك ياوطن يابو اليتامه
حقي من اعتب عليك
انته ابويه وروحي بيك
ارد اسالك ياعراق شوكت تخلص هالمحن

ياوطن يابو الحضاره يلي بالروح اشتريك
انته يابو الخير ترجع دنيه كلها تبوس اديك
وحق دم الابرياء
والحسين بكربلاء
عالي تبقه وما تهزك ريح صدك ياوطن

كلمات:علي الديواني




13_الكلام الي عليك



الكلام الي عليك والعيوب الي
كلهة بيك
زين مني وباقي احبك احمد الله وبوس ايديك
الي يحجي لا تكولي يغار دخان ماكو بلاية نار
شكد حجي عليك صار ورغم هذا ومشتريك

شكد عليك اسمع كلام نوم ميخليني انام
رغم هذا بكلبي بعدك ماعفت كلبي حرام حمد الله اني بقيت
وياك عفت ونسيت بذاني اسمع ماحجيت ولا مرة نطيت بيك

على الكلام الي حجوه كرهتني الحب وابوه
قابل يكرهوك همة ومن كلبهم طلعوك همة
واني رغم الي اعرفة وياك ماخنت الوفة خلي ايدك فوك راسك وبوسهةوجه وكفى

كلمات :قصي عيسى



14_وين الايديه بلثلج







ؤوين الايديه بالثلج وين ايدي بالنار بيني وبينك فرق تضحك واني المحتار
انا ماحاسبك على الخطا الدنيا اخذ وعطة
ولولة الزعل والرضة ما يكمل المشوار


خلصت عمرك فرح وخلصت عمري دموع
بينك انا يختلف كل موضوع قسمة ونصيب الزمن امالي بيك نتهن
ومن دون اهل الهواء عيشت كلبي بنار
وين الايديه بلثلج وين الايديه بلنار بين وبينك فرق تضحك واني المحتار

انت في وادي صبحت واني في وادي نعيش احنة البدينة سوة نختلف تالي ليش
مكتوب الي اتحملك الصبر ما بدلك
ما بعد عندي كلب غيرك حبيبي اختار وين الايديه بلثلج وين الايديه بلنار



كلمات :عادل محسن



15_ احضني







احضني كل قوتك حبيبي خلي اذوب بداخلك
انت ما تعرف حبيبي شكد جنت مشتاقلك
رحلت واني الهم بقالي يلي مافاركت بالي
بكلشي اشوفك يا حبيبي اني صرت اتخايلك

لفني بحضانك حبيبي اني محتاج لحنان ارتاح
بس بحضنك اني مارتاح بي مكان بين ايديك
ارتاح وابجي واني ساكت وكلش احجي ماحتاج عيوني اني مثل ما محتاجلك

وين هل غيبة حبيبي وحرمتني شلون منك
واني عندي الدنيا كلها فدوة لثر رجلك
اني ماكدر اعوفك روحي ترجف من اشوفك انت دمي
الي يمشي بية سبحان ربي الخالقك

كلمات:قصي عيسى










توقيــع العضو الباشا تـلميذ
الرجوع الى أعلى الصفحة اذهب الى الأسفل
zoba
مشــرفة منتــديات بنـــات حـــواءمشــرفة منتــديات بنـــات حـــواء
avatar
بيانات العضو
الجنس : انثى
عدد المساهمات : 1578
نقاط : 16484
تاريخ التسجيل : 28/01/2010

مُساهمةموضوع: رد: كلمات اغاني البوم حسام الرسام 2010 جديد جدآ وحصريآ   الجمعة 16 يوليو 2010, 9:18 pm

شكرا عاشت ايدك
توقيــع العضو zoba


الرجوع الى أعلى الصفحة اذهب الى الأسفل
 

كلمات اغاني البوم حسام الرسام 2010 جديد جدآ وحصريآ

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كركوك تايمز :: منتديات الفنيــــــــــــــة :: منتدى كلمات الاغاني-
a
انتقل الى: