نیشتمان ...
خۆشهویستى نیشتمانت باعیسى ئیمانته
چۆڵ و وێرانى ووڵاتت مووجهبى فهوتانته
تۆزى ئهم خاكه عهزیزه مهرههم و دهرمانته
كهڵبهزو ئهشكهوتى كێوى قهسرته ئهیوانه
*** *** ***
خۆش و دڵگیره نموونهى جهننهته كوردستان
بێشهو شاخى بۆ میللهت بۆته باعیسى فهخروشان
سهیركهن تێ بگهن ئهم جێ یه سینهمایى جیهان
سهروهرانى گهل لهعهشقى خاك وا ههڵواسران
*** *** ***
دۆتهى شۆخ و قهشهنگه رِێك و رِهنگین وهك وهوى
ناوى ئهم شیرین شۆخه نیشتمانه ههم زهوى
لاوى نهوجاهم دهههسته بۆچى سهرمهستى خهوى
سهروهرانى ئهم نازهنینه چاوهكهم تۆش هى ئهوى
*** *** ***
سهر نهنێ یه تهختى سینهیى خاكى پاكى نیشتمان
خوا پهرستى كهى نییه نهفعى بۆ دین و ئیمان
حیكمهتى سوجدهى عهزیزم حهببى جێگاته بزان
ورشیدى كوردم، ئهكهم بۆت حیكمهتى دینت بهیان
*** *** ***
گهشبه ئهى جێى شاهى میدیا شادو خورِهم بهو بژى
خرت و لاوانى گهلى كورده لهمیللهت تهژى
شهربهتى وریایى و ژیرى گهل و كۆمهڵ چهژى
باوهرِت بێ تا جیهان مابێ نهوهى كرمانج ئهژى
*** *** ***
سهوزو ئاودارو گوڵستانى چهم و باغى وهتهن
حهقمه بۆ موڵكێكى وا حافز لهسهرمایهو كهفهن
واداخى كون كونه جهرگى (ئهسیرى) وهك سهرهن
ههر دهڵێ قوربانتم داكم وهتهن بابم وهتهن
دیوانى ئهسیرى
توقيــع العضو شميران كركوكي |
|